من إبداعات الشاعر الرائع / علاء حجازي

أنا عقلى أخد له أجازه.
وكلامى ماعاد له عازه.
وصحابى قالولى إستنى.
أقعد جنبنا تتهنى..
قلتلهم على اللى جرالى.
وقعدت أوصف أحوالى.
ودموع نزلت على خدى.
وواحد طبطب على يدى.
والتانى همس فى ودانى.
مالقيتشى لهمسه معانى.
أصله ماكانش بيتكلم.
كان فاكر إنه معلم.
وكمان واحد بيهرج.
قاعد عمال يتفرج.
وبيضحك وبدون صوت.
قرب من الضحك يموت.
والرابع كان مسطول.
الغيبه معاه هتطول.
وتاريخ مكتوب بالعكس.
وحياتى ملاها اليأس.
وقالولى إدفع فى المهر.
أنا قلت إرموا أنتوا الزهر.
والطاوله كانت مقلوبه.
وحكاوى كتير مضروبه.
وتعبت خلاص ونويت.
أخرج من هذا البيت.
أنا مش محتاج تصريح.
وكلامى ماهوش تلميح.
وماعادش كمان له عازه.
أنا عقلى أخد له أجازه.
(أجازه بدون تصريح)
علاء حجازى