وليه الدمعه تخنقنا
وتاخد أحلي ما فينا
مابين الفكره والفكره
آهات كتير بتروينا
بتزرع فينا وبتحصد
وبالاهات بترمينا
يا دنيا هاتي ما عندك
وليه احوالنا بتعاندك
وفينا احنا وليه انتي
وليه احزاننا بتسندك
دموع عيونا بترويكي
وتسعد كل ما فيكي
وجرحنا بتشجيكي
يا سارقه كل ما فينا
في افراحنا و اوجاعنا
ديما مشبكه ايدينا
هاداوي جراحي بجراحي
حاخد زادي مع افراحي
وارجع ضحكتي لروحي
تهون الدمعه في جروحي
تهون الاهه مع التانيه
تغور الدنيا وفى ثانيه
وترجع فرحتي ليا
في أحضاني تطير بيا
واموت م الخوف ميت مره
ولا عمري أكون ذكري
تاخد احلي ما فينا
وتهدينا الاهات فكره
وليه الدمعه تخنقنا
وتاخد أحلي ما فينا
ما بين الفكره والفكرة
آهات كتير بتروينا
.....اموت م الخوف
نجوى محمد
ليست هناك تعليقات:
إرسال تعليق