من ابداعات الشاعرة الرقيقة / نجوى محمد

فجأة لقيت الباب بيخبّط ..
جايلي جواب
خير اللهُم اجعلهُ خير !

جايز واحد م الأحباب ..
شكل الطابع مُش معروف
إسم الراسل ناقصُه حروف
قّلت أما أفتح علشان أشوف
مين فـِ الدُنيا أنا لِسَّه فـ بالُه
وإيه خلّاه يبعتلي جواب !

" بعد الترحيب و السلامات " !
أما بعد ؟
جايز إحنا بعيد عن بعض ..
لكن قُلت أنا لازم أدِلّك
خليك واعي و صاحي لـضلّك
أقرب ناسك فيهُم واحد
طَلّع سِرَّك بَرّه البير ..
خليك صاحي و فَتّح عينك
وإوعي تآمن غدر الغير !

- التوقيع
مِن فاعِل خير ؟
نجوى محمد