من إبداعات الشاعر الراقي / أحمد الخياط

بفرض النقص فـ الضحكة
وفرض إن احنا مش احنا
هنثبت انها محنه
ونثبت اننا عايشين
بضرب الفرحه ف الطرفين
ورفع الحب أس اتنين
وقسمة لقمه على عشرين
هنشبع كلنا فـ ثانيه
هنطرح مـ الجراح جرحين
ونجمع شمل كل اتنين
بأخذ اللوج للطرفين
هيظهر ناتج المعنى
هنرسم شجرة تجمعنا
ونرسم حضن هيسعنا
ونرسم ضحكة ف وشوشنا
ونرسم حد يسمعنا
نفضفضله لا يخدعنا
ولا يطلّع كلامنا لحد
يكون راجل جدع وبجد
ملوش فـ الدنيا دي غير وش
لا بيغيير كلام قاله
ولا بيقول كلام وخلاص
هنرسم للقلوب إخلاص
ونرسم وسط روحنا قلوب
نعيد تشيد لهذا الكون
وفعلاً هو ده المطلوب....!!