يارب بقلم الفنان والشاعر الرائع / محمد عناني

يارب
=================
يَارب إنت اللى بَاَبك على الدوام مفتوح
ومافيش عليه حُرَاس وللجميع مسموح
للى بيسكن قصر أو حتى فوق السطوح
إللى فى يوم إتظلم أو إللى بات مجروح
اللى فى همه غرق عايش كما المدبوح
واللى يقاسى المرار بين الشقا والنوح
اللى فى يأسه تايه تاخده خطاه وتروح
اللى بطول لياليه بالشكوى ليك بيبوح
واللى بيرفع إيديه ساعة طلوع الروح
ماترد عبد وتاب من ذنبه بعد الجنوح
====================
( محمـد عنانى )