دمعة قلب بقلم الشاعرة الراقية/أسماء عبد الله

 دمعة قلب

يا جماعة الحب طلع روايات

وقصص تتقال ضمن حكاوي

أنا رُحت وكان نفسي أشوفه

وأعيشه وكنت عليه ناوي

باحسبه يغمرني بأحضانه

وأحس أماني في أوطانه

قالي يا بابا رايح على فين !!

علشان يعني جملة وسطرين يبقى ما صدقت تعيش الدور ؟!

تسهر وتعيش بين شوق وحنين !

قولتله طيب إيه المانع

لما القلب يحس الفرحة ؟!

ويشوف ألوان الطيف بانت

في هدية من دنيا مسامحة

قالي اصحا وفوق سيبك دا كلام

رديت من قلبي إزاى دا كلام !!!

قالي براحتك عيش في الأوهام

وإتخيل حب وشوق وغرام

أما أنا دلوقت أنا مش فاضي

قولتله طب ليه ...والله حرام

ورجعت لوحدي بقلبي حزين

عمال يصرخ يبكي ومسكين

ومصدق إنه حقيقي يقين

ولا كان متخيلها حكاوي. !!؟

أسماء عبد الله

عرض الرؤى

معدل وصول المنشور: ١٦

٢أنت وشخص آخر

تعليق واحد

أحببته

تعليق