نِفسي !!
أنا جية وهارسم بالألوان
وأختار لحياتي زمان ومكان
عطره محلاه
الخير جواه
منظره صافي بجنة أفنان
مفروش بحنين
لون قمر الدين
بستان فتان
ويكون مليان
نرجس وورود زهر وياسمين
اللون الأبيض دا حياتنا
والوردي....نسايم أوقاتنا
أما الباقين أخضر وأصفر
وكمان بيستاج وهافان وأحمر
دا كلامنا وأيامنا الحلوة
هانغني معاها مليون غنوة
وتكون أفراح
جت بعد كفاح
فالدنيا نداها طرح رياحين
وقالت يلا افرحوا واتهنوا
خدوا مني كل ما تتمنوا
نرسم بأه سوا
لون وردي في هوا
دنيتنا إللي كتير وحشانا
مليانة قلوب
صدقها محبوب
بعصافير وحمام
وحياة في سلام
ودا كله أنا هارسمه بالألوان
أسماء عبد الله
موافقة
رفض
ليست هناك تعليقات:
إرسال تعليق