الشكر ليك يارب
===============
من أعظم الأشياء فى حياتنا يبقاَ َالستر
لما يكون موجود نعيش معَاَه العُمر
ونبُوس كمان إيدنَاَ يُومَاَتى وِش وضَهر
ونقوله ياربنا لِيك ألف حَمد وشُكر
لما نعيش فى أمان من الضَنَاَ والفقر
يكفينا شَر السؤال للغير دَا فيه القََهر
لوحتى كان رزقنا ماشى يادوب ع القَد
لكن مفيش لا ديون ولا يشتكينا حَد
تبقا دى نعمه كبيره والله نِعمه بجَد
أبسط جَزَاء ليها هوا ياناس الحَمد
نشكر كمان ربنا ودا يبقا أحسن رد
وبكره رَاَح تِنعَدَل وكل شىء بالصبر
لما يريد ربنا سبحانه صَاحب الأمر
يفيض علينا الخيرودا يبقا اعظم جَبر
ونقوله ياربنا ليك ألف حمد وشُكر
على جَزيل النِعَم وكفايه منها الستر
===================
( محمـد عنانى )
ليست هناك تعليقات:
إرسال تعليق