حلم يقظة بقلم الشاعرة الرائعة / الهام شحاتة سالم

حلم يقظة
شعر
الهام شحاتة سالم
-----------------
أنين الوحده يكوينى
ومين م الاّه
يداوينى
أنا حيران
ودايب دوب
بلا شطئان
ونداهة البحور -
تنده
وغصبن عنى باسمعها
والاقينى
فى دوامه -
انين الليل
من النداهه يتمايل
تمد شعورها أتشعبط
واشد ف ديل جدايلها
واتوه واغرق
مع التايهين
لا شوق الحب بينادى
ولا قلب القدر بيلين !!
وانا تايه
مع التايهين
تقربنا
وتبعدنا
وتحدفنا
لموج تايه
فى عرض البحر -
والموجه
تشيلنى وتترمى فوقى
وانا مرغوم
يشد الموج فى أنفاسى
وقلب الشمس
من فرط الحنان يبدأ
يواسينى
وترجع تانى تحضنا
والاقى الحلم قدامى
تتوه الاّه فى ليالينا
ومهما الغربه توجعنا
ضياء الفجر يجمعنا
وتسحب كل احزانى
خيوط الفجر من تانى
وانام واحلم
بطلة فجر قدامى
وافوق م الحلم
الاقينى
فى عز الفرح
باتهادى
وافوق م الحلم من تانى
بيشجينى
نشيد الصبح وترفرف
فى قلب القلب
افراحى
أتارينى
طويت البعد
فى عيونك
اعيشك حب يابلادى
وانام واحلم
كده ف حضنك
برغم القسوه فى طبعك
ورغم فؤادك الجافى
حلم يقطة