مجلة همس الروح: كفاية بقلم الشاعرة الرائعة / مها الخواجة

الأربعاء، 18 ديسمبر 2019

كفاية

مغلوب على امرك وتخطي
ولكل مبادئك تتجاهل
مغصوب تتحمل وتعدي
تتغابى تطاطي وتجامل

وتعيش طول عمرك متحمل
تنداس علشان غيرك يوصل
واهو بيك من غيرك هيكمل
ووجودك كان تحصيل حاصل

مع ذلك عايش ومكمل
في طريقك ماشي وبتواصل
ومسلم لها مهما بتعمل
والهد ف روحك متواصل

ولإمتا يدوس ضهرك واطي
والخوف بقا سرجك ولجامك
حاكمك وعليك السيف ماضي
ومفتفت لحمك وعظامك

ما تفوق وكفاية بقا تسلم
إخلص من خوفك واتكلم
ولإمتا هتفضل تتألم
قوم يلا لأشلاءك لملم
........
مها الخواجه#Maha

مجلة همس الروح