من ابداعات الشاعر الجميل / محمد طلعت

كان بينا حلم واتفقنا اننا لازم نعيش
اتعاهدنا بقلب واحد 
قلتلك ان غيرك فى الحياه ميهمنيش
قولتلك انك حكايتى م البدايه للنهايه
بس اوعى تبعدى مسمعتنيش
النهارده دمعى ينزل غصب عنى
لو قالولك انى ميت متصدقيش
ردى قولى انى عايش جوه منك
ردى قولى اتواعدنا اننا لازم نعيش
واننا بينا حلم
بس اقولك
انا زى طير ازاى يطير من غير جناح
ازاى هتشرق شمس قلبى
وانتى الضياء .انتى الصباح
خايف احكى عن دموعى
تحرقك غصب عنى الجراح
بس اقولك
حاسس انى هتعدم
ويسئلونى طلبك ايه .انا هطلب منك.السماح
رغم جرحك .رغم عندك..نفسى اغمض بين ضلوعك
نفسى تشفى الجراح
سامحى قلبى على اللى فات ع اللى راح
ولو قالولك انى ميت اوعى بس تصدقى
جوه حضنك ليا راح ..جوه حضنك فيه براح
بين ضلوعك انا اللى بشفى من الجراح
وكان بينا حلم واتواعدنا اننا لازم نعيش
محمد طلعت