وصية لأولادي بقلم الشاعر الرائع / حسين متولي

وصيه لاولادي
حاكتب يابني وصيه
ومضمونها كلام موزون
كلام بالخبره سطرته
وحاطبعله أهم ديوان
وكل قصايده متصانه
وحارسها دا رب الكون
كتاب الله احفظه
وسنة النبي العدنان
وفعل الخير طريق امشيه
ورزقك م الكريم مضمون
واكلك بالحلال احميه
يبارك فيه إله الكون
وماتكدبش علي خلقه
وقول الصدق مهما يكون
وزوجه صالحه دي حسنه
وبيت متصان كده مضمون
واولادك تربيهم علي السنه
يعيشوا العمر كله امان
واوعي يشغلك بكره
وعيش يومك سعيد فرحان
مايمكن بكره يبقي احله
ويمكن فيه آلام واحزان
وسيبها ع الكريم اصله
ماهو الخالق المنان
وديه وصيه ومكتوبه
ياريت تخدوها ف الحسبان
................................. ابوكم اللي ربي وصان
#حسين_متولي ٢٠١٩