الليله نفس الولد واقف تحت شبابيك البيوت
مستنى إيه؟
معرفش ماله...
بس شاغلنى بنظرته ..ولا حتى بسمع منه صوت
قربت منه أسئله ..يمكن ألاقى منه رد أو أى صد
راح بصلى بنظره حزينه وقالى إبعد عدى وفوت
مسجونه جواه دمعته وكأنه يونس وفى بطن حوت
ندهتله وبصوت حزين أيه قصتك ...قولى الحكايه...
..قالى حكاياتى مش فى مال ولا فى جاه ولا حتى قوت
ولا إنى عيل ولا إنى عاصى ولا حتى بطمع فى الياقوت
كل حكايتى... إنى عشقت صبيه لسه صغيره بنت البنوت
من يجى بس عشرين سنه قالت تعالى أنا بندهك قرب وفوت
وإختلف بينا الميعاد .
كان يوم مطر معرفتش أجى وقتها رغم السكوت
وفى تانى يوم أنا جيتلها أنده عليها..
حبيبتى فينك ..ردوا وقالوا خطفها منك...ملك الموت
من وقتها وأنا كل ليله فى وقتها أجى تحت شبابيك البيوت
بشتاقلها فى الثانيه ألف من الساعات...
وأنا اللى راضى بالقدر..قابلونى بيها لو حتى أموت
محمد طلعت والقلم
ليست هناك تعليقات:
إرسال تعليق