يُحكى أنُ
شاب عربى وفلسطينى
فى قلبه رصاصه من قناصه
..طينه يشبه والله لـــــــــطينى
من ساعتين كان ماسك حجره فـ وشه بشاشه
قلتله إرجع يلا بعيد عن جيشهم
قالى يا أبويا والله هموتهم بإيدينى
إسمك إيه قالى أنا فادى
بس نادينى بإسم بلادى ..فلسطينى
دق أنا قلبى واتحجرت ولا عارف ابعد ولا أقرب
ولا راح اسمع مين ينادينى
جوه عنيه شفت أنا جنه إيده بتلمع وكأنها مرسومه بحنه
قلت يا ولدى تعالى معايا قالى إدعى ربى ينجينى
أجى معاك على فين وأنا وطنى
بيهاجموه برصاص وقذايف
وأنا واقف ثابت على دينى
يلا ابعد من هنا وبعيد
راقب حجرى بالتحديد
راح يحكي ايامى وسنينى
شوفت ايده وكأنها مدفع رشاش
حجره قنابل واد ...مش مخلوق من طينى
والله الدمعه بتنزل تصرخ يافلسطينى
كبر كبر إضرب اكتر يلا كمان اضرب قوينى
وفى عز الضرب مـــ شغال
ربك عالم بالأسرار والأحوال
تيجى رصاصه من قناصه تسكن قلب الواد فـ الحال
أجرى عليه وهو فى دمه ياناس غرقان
يضحكلى فى وشى وبيقولى ليه زعلان
اضحك يلا ..أنا فرحان
أنا راح أقابل رب كريم مش غفلان
أنا شهيد من ملايين قالوا حياتنا فدا الأوطان
دمعى بينزل غصبين عنى
نطق شهادته وهو بيضحك مش ندمان
صرخة قلبى جوايا تعلا آه ياعرب أشجع مافينا الكل جبان
قاعدين نتفرج والأوطان والله بتنداس وبتتهان
أطفال كتيره إتقتلت وأمهات إترملت وإحنا فى توهان
يدوسوا الارض ويهينوا العرض وكأننا راجل سكران
قتلوا ولادنا ويا شبابنا ..غمض عينك ولا اعمل روحك كسلان
و احنا العرب ولا فينا راجل ..ولانسوى قطيع خرفان
الارض سوريا وفلسطين واليمن والعراق وليبيا وكمان لبنان وكمان وكمان وكمان وكمان
راح نتسئل عن كل عربى ليه إتقتل ومين جبان ومين خان
وهى حكايه وكان ياما كان ويدوب هنكتب كلمتين يحكى أن
..وإتقفلت كل البيبان
آه ياعرب من غير عروبه هنقول ايه لربنا فى يوم العرض وهو رسوله قال المؤمن للمؤمن كالبنيان
ويُحكى أنٌ
ويُحكى أنٌ
بقلمى محمد طلعت
ليست هناك تعليقات:
إرسال تعليق