أرضي.. ترضي. بقام الشاعر الجميل / حسين متولي

أرضي.. ترضي. 
اللي جاي قد اللي رايح
ليه تقول البخت رايح
هو ربك مش ساترها
رحمه منه وم الفضايح
توب وصلي.
ادعي انه يزيد ف رزقك
صلي واشكر اللي رزقك
هو ربك مش ساترها
انت عبده وهو ربك
صوم وزكي.
قول ياربي انا صومت ليك
وزكاتي بين ايديك
هو ربك مش ساترها
بكره رزقه يفيض عليك
انسي بكره.
عيش ليومك وانسي بكره
صدقه لو بشق تمره
هو ربك مش ساترها
نبض قلبك بياديه.
وافتكر
صبر أيوب قد ايه
وقارون كان يملك ايه
هو ربك مش ساترها
أحمد. الرحمن عليه
باليقين.
تلقي رزقك راح يزيد
كل يوم حاتحسه عيد
هو ربك مش ساترها
فجر صلي تعيش سعيد
#حسين_متولي ٢٠١٩