فى عز الزحمه وقت سكوت
وناس تعبانه لقمتها وناس بتموت
وعيل ماسك ايد أمه ومستنى لقطر يفوت
وقالوا سرطان سكن جسمه وقل القوت
وأمه بتبكى يا ولاداه!!!
دموعها بس من غير صوت
ومين يسمع لشكوتها غير الله!!
منجى نبيه فى بطن الحوت
وناس واقفه بـــ تتفرج
وناس ماشيه وبتهرج
وناس واقفه بتدعى يارب ناقصنا القوت
وناس تفكيرها شاغلها وطافحه الكوت
وناس كل اللى شاغلها فين نسهر وفين ناكل
ومش خايفه يا ناس م الموت
ودنيا وكل سايبها بأفراحها وبعيوبها
يارب ارزقنا حسن ختام
دعوه بقلبى وبقولها ومن غير صوت
فى عز الزحمه وقت سكوت
وناس لقمتها بترميها ومش عاجبه
وناس مش لاقيه رغيف العيش وناس بتموت
بقلمي
محمد طلعت
ليست هناك تعليقات:
إرسال تعليق