ابداعات من الشاعر / محمد طلعت

عايز أصرخ من جوايا وتسمعى منى قولة آه
أيوه الظلم مالهوشى نهايه وأنا وحدى بعيش المأساه
عاشقك انتى وليا حكايه........ يعلم بيها الله فـــ علااه
مش هكتب عن عشقى روايه ولا راح أطالبك بالمساواه
ولا راح أقولك احضنى قلبى ولا تقرى المكتوب جــــواه
أيوه عشقت بقلب أنانى.وهو الجرح ميـــــــــــــــن يرضاه
واسئل نفسى كتير على حالى....
أنا مقتولك ولا أنا جانى ..ولا أنا عايش بعالم تانى..
ربك زرع العشق فى قلبى ..وحده وعالم باللى عطاه
طيب صبرك بس شويه
مين راح أعاتب..يعلم بيا الله فى سماه
عايز أقولك انى أنا ببكى ..خايف تسمعى منى الآه
يعلم ربى انى هويتك ..وانك ليا ......يعنى حياه
أنا مشتاقك طمنى قلبى إنتى أكيد وحدك سمعاه
ربى يديم أيامك فرحه........... وحده القادر بترجاه
محمد طلعت٣...١١...٢٠١٩