علمينى إزاى أعيش وإزاى أكون
وانى عُمرى ف يوم ما أقدرأخون
وانى أوفى بالعهود دايما واصون
إنى اكون صادق بجد واكون حَنون
وانى مااتهوَرش واوصل للجنون
مهما كانت الأسباب ولا الظنون
وانى أحب الخير لغيرى مين يكون
وان عِشره عُمربينا ما يوم تِهون
وان قلبى يكون كبيىربحجم الكون
علمينى إزاى أعيش وإزاى أكون
تِعرفى إن انتى كل سنين حياتى
اللى راح منها وعدا واللى آتى
من حنانك أرتوى وأعيش يوماتى
وانا جانبك تبقا دى أجمل ساعاتى
والكلام مِنى يِتوه ويِغلبنى سُكاتى
علمينى ما هو انتى أجمل ذكرياتى
علمينى إزاى أعيش وإزاى أكون
مهما حتزيد الآهات ولا الشجون
وإن بعد الريح لابد من السكون
==================
( محمـد عنانى )
ليست هناك تعليقات:
إرسال تعليق