(حبة هجايص) بقلم الشاعر الجميل / حسين متولي

(حبة هجايص) 
لما شفت الكل هايص
قلت اكتب ف الهجايص
هشتكه علي بشتكه
ميكروباص علي تكتكه
اتشعبط ياواد. @
الرصيف بياجروه
لا وايه بيورثوه
ادفع المعلوم ياواد
لتلقيك تحت الرصيف
رحمه مافيش @
واللي زاد الطينه بله
واحده بتقور في كوسه
حاجه جاهزه ع الطبيخ
والبسله مفصصاها والجزر مقطعاه
فيروس. مافيش.@
ولا شلة بلطجيه بياخدو كارته
ع اللي رايح واللي جاي
اركن هنا حضن يمين حضن شمال
وبلاش تزود في الكلام
موقف ابوه..@
ولا قهوه جنب مدرسة. العيال
الفصل فاضي والقهوه فل واشيه عال
والمعلم يدي للفراش ريال
يفتح الباب للصغار قبل الكبار
مش يبقي عار...@
ولا اوكازيونات اونطه ويقولولك خصم عال
والوليه تقول لجوزها هات وهات يابو العيال
خلوا مخ القرد طار.. نهق عليهم الحمار
ويافطه مكتوبه بنيون مافيش محال @
خلصت انا تهجيص
وجه دورك يافندي
عشان تهيص
لا تموت فطيس.
#حسين_متولي ٢٠١٩