إبداعات بقلم الشاعر الغنائي / طه الروبي

أنا وانت بينا شبه
فى كتير من الحاجات
منها نطق الكلام وكمان حتى
السكات

اسلوبنا فى الفكر واحد
وكمان التعبيرات

بنعيش نفس الظروف
بكامل تفاصيلها وأحداثها
والحوارات

وجرحك نفس جرحى
متلون بالاهات

إللى حبناهم وسلمنا
القلب ليهم
عملوا القلة معانا وخانوا
كمان هوانا
وياريتهم فهمونا عشان إيه
بيعذبونا ولا بيخونونا
وليه بيعيشونا فى توها ومتاهات

أنا وانت بينا شبه
فى كتير من الحاجات

بس خلينا نصبر
إحنا إللى هنبقى أفضل
وتعالى ننسى إللى فات

بكره اللى خان هواك
واللى خان هوايا
يتمنى ينول رضاك
ويتندم للمامات

بينا شبه فى كتير
من الحاجات

من إبداعات
الشاعر
طه الروبى