إبداعات بقلم الشاعر / طه الروبي

نفسى أفهم إيه
حكايتك
وعلى إيه ناوى وعازم
مش مصدق روايتك
مطلوب الصح لازم
تقول الصح لازم

الصدق أقرب وسيلة
إنك تقنعنى بيه
ونهايته كمان جميلة
والخير ملازم ليه
احساسى إللى واخدنى
ومصمم على الوضوح
واخدنى أعرف حكايتك
وكدبك أبقى هازم

ماليش تانى مطالب
ولا غير الصدق طالب
وهفضل غيظى كاظم

نفسى أفهم حكايتك
الصح مش الدراما
عشان أنا قبل منك كتير انا
شفت ياما
ومن كتر ما شفت قبلك
منك الصح عايز

نفسى تقول الحقيقة
بالشكل وبالطريقة
من غير وهم ولا هواجس

قولى إيه هتخسر
لما تصارحنى اكتر
افيدك وارد وجايز

ويمكن تبقى نادم
نادم على كل وقت ضيعته
والكدب ليك ملازم

من إبداعات
الشاعر
طه الروبى