إبداعات بقلم الشاعر / طه الروبي

فكر كتير انت
فى كلامى
يمكن فى يوم للمعنى
توصل
وتبطل لومى واتهامى
وبدل ما تعيب فيا تشكر

يمكن تكون ليك الصورة
مش واضحة
بس بكره هتفهمها اكتر

فكر كتير انت فى كلامى
وياريت تحط نفسك مكانى
واتخيل إيه ليك بالعقل
يحصل

فكر كتير انت فى كلامى
وحاول توزن كل الامور
وبلاش تكون عليا رامى
كل اتهام بهتان وزور
مش عايزك تدوم فى الحال
وتفضل

فكر كتير انت فى كلامى
قبل لومى واتهامى
بالإهمال والبعد عنك
بلاش تخلى القول الضعيف
يزعلنى منك
والمتاعب عليا تكتر

لو مفكر إنى مرتاح ولا رايق
بالعكس انا كل يوم حيرتى
بتزيد وتكبر

فكر كتير انت فى كلامى
يمكن فى يوم للمعنى توصل
وتعرف أد إيه أنا كنت عانى
ودموعى من عينى بتنزل

بس مين اختار نصيبه
ومحتاج كل يوم يزور طبيبه
والطبيب يحكم ويأمر
بلاش تكون و يالزمن
خليك فى صفى
طلبى الوحيد منك أنا عليا
تصبر
مش هجبرك ولا هغصبك
جنبى تفضل
القرار يخصك وليك
خد وقتك براحتك وفكر
وشوف ايه إللى يفيدك
حبيبى وقرر

من إبداعات
الشاعر
طه الروبى