إبداعات بقلم الشاعر الغنائي / طه الروبي

مش مهم إنك حلمت
وحلمك ما تحققش يوم
الأهم إنك تحلم من
جديد
والرغبة فى الحلم ما تتوقفش
يوم

اعمل إللى عليك مطلوب
سيبك من الكسل والنوم

الأهم من تانى تحلم
خلى الطموح ويالامل
ما يعرفوش نوم ولا كسل

أحلم تانى وتالت ورابع
استمر فى الاحلام وتابع
خليك زى إللى محتاج يعدى
البحر عوم

ما ينفعشى فى النص يفضل
لازم للشط التانى يوصل

احلم وجدد الامانى
بلاش تقول تعبان بعانى
تعيد إللى كان ملهوش لزوم

خلى الحلم متواصل
بلاش تعمل نهاية وفاصل
وبلاش على الزمن كتر
العتب واللوم

خليك بالأمل ملزوم
بلاش تكون من اليأس
يوم مهزوم

احلم وتانى الحلم جدد
ليه تتراجع وليه تتردد
جوا بحار الحلم عوم

من إبداعات
الشاعر
طه الروبى