إبداعات بقلم الشاعر / كرم محمد

بقى لينا خلاص ميت وش و لون 
تشوفه موسى و تلاقيه فرعون 
بقينا يا ناس فى دنيا عجيبة 
و بقت الأخلاق حاجة غريبة 
سموا الرشوة فتح مخك 
و الانحلال كبر عقلك
و العربدة بقت قعدة أنس
و الشريف بقى يجيب النحس
حد يقولى فين عايشين
و لا نكون يا ناس مجانين
كنا عايشين فى عصر ظلام
قبل ما ننعم بالإسلام
كان الأب بيوئد بنته
و الفقير متهان فى عشيرته
جه الاسلام و ساوى ما بينا
و اللى يفرق بينا ايمانا
يعني العرب و العجم اخوات
و بقينا فى وحدة بعد شتات
و لم بعدنا يا ناس عن دينا
و نسينا الدين و اللى خلقنا
و بقينا عايشين جوا دوامه
و اتلم علينا كلاب سعرانه
لحمنا بقى للكل رخيص
ونهش فينا عميل و خسيس
اللى ما يشوف العز فى دينه
ما يزعل لمَّ الكل يهينه