نور القمر
ساعات يبقى القمر محجوب
وصورته النادية واحشانا
وضي خيوطه بيعدي
ولو بيقابله في سمانا !!
سُحب وغيوم
وليل ونجوم
ضياه له معنى جوانا
ببصمة نور في يوم ما تغيب
ومكتوبة بمِسك وطِيب
في صوته العذب نيل يِسري
ولو غاب الندى يشكي
وشكواه دمعة فيها لهيب
ويستنى هلاله يبان
مابين النسمة والأغصان وأوراق الشجر والورد
يشوف ضيه في كل مكان. فتوضح صورته وتبان جد
هناك على صفحة الميه
له لمعة وضحكة وردية
تسطر عمر مش محسوب
بدعوة في وقت فجرية
وترسم بالندى صورته
فتظهر حتى لو .... محجوب
أسماء عبد الله
ليست هناك تعليقات:
إرسال تعليق