ولحد فين بقلم الشاعره / أمل العدوي العدويه

ولحد فين
ماشيين وراك يازمن
وجراحنا معبيين
خليتنا من غير تمن
عايشين ومش عايشين

خايفين من كل حاجة
عايشينها زى العادة
ولا شفنا فيها سعادة
وم الجراح شاربين

قول يازمن مين تانى
مجرحش فينا وعادى
دا تحت فيها وعالى
على جرحنا عايشين

الذكرى فيك توجعنا
نهدى فيك تمنعنا
قول يازمن سمعنا
واحنا يدوب ساكتين

مشينا فيك مشاوير
آخرها مليون بير
ارحمنا بقا ياكبير
سنين عليك صابرين

نصبرتبيع وتدوس
ع الأرض عشنا نبوس
عليت علينا فلوس
ولاقلنا يوم عايزين

امانينا عاشت ستر
ماسألنا يوم ع البدر
ولا قلنا آه م الصبر
ولا كنا يوم غاليين

وآدى طول ليلك عمانا
والجرح جوه كوانا
والكسره آه جوانا
وع اللى راح صابرين
ولحد فين يا موج السكرانين