ياجبل ماهزك ريح عجبتنى وصفاتك
من كتر حبى ليك وصفونى بصفاتك
عشت زيك ليل غريب والغريب تاجك نجافاتك
وكل اللى فاتك ياجبل من زين رملة فى رملاتك
من كتر حبى ليك وصفونى بصفاتك
عشت زيك ليل غريب والغريب تاجك نجافاتك
وكل اللى فاتك ياجبل من زين رملة فى رملاتك
ياجبل ماهزك ريح ولانو يوم عابك
بتشيل كل الحمول والصبر عاش تاجك
لاشمس يوم توجعك ولابرد يوم يهزلك
حتى المطر ياجبل ينزل عليك يغسلك
بتشيل كل الحمول والصبر عاش تاجك
لاشمس يوم توجعك ولابرد يوم يهزلك
حتى المطر ياجبل ينزل عليك يغسلك
عشت زيك ياصاحبى محروم من الحياه
انسى القسية والألم ولا احب قولة آه
وشلت زيك حمول كتير وكل ريح اميل معاه
وكل اللى معاه مر اداهولى ياجبل ولا قلت آه
واما صمتك ياجبل عاش في الحشا
من كتر صمتى والخجل وسنين حياتى الموحشا
طول نهارى صيام والليل ابات من غير عشا
وحياة سنين مر وقسا ياجبل ولا قلت آه
انسى القسية والألم ولا احب قولة آه
وشلت زيك حمول كتير وكل ريح اميل معاه
وكل اللى معاه مر اداهولى ياجبل ولا قلت آه
واما صمتك ياجبل عاش في الحشا
من كتر صمتى والخجل وسنين حياتى الموحشا
طول نهارى صيام والليل ابات من غير عشا
وحياة سنين مر وقسا ياجبل ولا قلت آه
سهرت سنين طويلة تايهة مع يأسى
ادى من غير حساب وادوس على نفسى
والقلب في صدرى داب والراحة سابتنى
واعز الناس عليه سبتنى ياجبل ولا قلت آه
ادى من غير حساب وادوس على نفسى
والقلب في صدرى داب والراحة سابتنى
واعز الناس عليه سبتنى ياجبل ولا قلت آه
وسكت ياجبل ويوم العرض
وحياة من جعلك سند للأرض
وحياة من جعل ميزانك فرض
لاشكيت لطوب الأرض ياجبل ولا قلت آه
وحياة من جعلك سند للأرض
وحياة من جعل ميزانك فرض
لاشكيت لطوب الأرض ياجبل ولا قلت آه
والفرق بينى وبينك وتر
هو انى عندى قلب وانت قلبك من حجر
الفرق بينا الروح هو انى بس من البشر
بس اخدت منك صفات اعظم مافيهم مقولش آه
هو انى عندى قلب وانت قلبك من حجر
الفرق بينا الروح هو انى بس من البشر
بس اخدت منك صفات اعظم مافيهم مقولش آه
علمنى ياجبل اللى منك مااخدتهوش
علمنى ازاى اعيش بين كل الوحوش
ازاى اوقف للريح وابعد عن الوشوش
علمنى ازاى ياجبل من غير مااقول الآه
علمنى ازاى اعيش بين كل الوحوش
ازاى اوقف للريح وابعد عن الوشوش
علمنى ازاى ياجبل من غير مااقول الآه
لوكنت هتعلمنى ازاى انسى وأكون
ازاى اكون نفسى وابعد عن الظنون استحمل نوها ربحها وكل الشجون
علمنى بس حاسب مش عايزة اقول الآه
ازاى اكون نفسى وابعد عن الظنون استحمل نوها ربحها وكل الشجون
علمنى بس حاسب مش عايزة اقول الآه
من كل لون ياصاحبى مر كتير عليك
عاشت فيك الديابة وسكن الوحش فيك
واكيد شفت الغزال بيموت قدام عنيك
ياقسو قلبك ياجبل ولا قلت آه
عاشت فيك الديابة وسكن الوحش فيك
واكيد شفت الغزال بيموت قدام عنيك
ياقسو قلبك ياجبل ولا قلت آه
شفت ياجبل كيف القوى بياكل الضعيف
ولا تستغرب ياصاحبى من مشهد يوم سخيف
دا أنا شفت نهارها ليل وربيعها كان خريف
حتى نومى هجرنى ياجبل ولا قلت آه
ولا تستغرب ياصاحبى من مشهد يوم سخيف
دا أنا شفت نهارها ليل وربيعها كان خريف
حتى نومى هجرنى ياجبل ولا قلت آه
عدى عليه ياصاحبى كل اللى عدى عليك
ليل طويل وصحرا ناشفه وكل مااشفا يامرض واداويك
واقول خلاص انا فى البراح الاقيك
المر فيك يامرض والزل ناب مغروس فى قلبى ولا قلت آه
ليل طويل وصحرا ناشفه وكل مااشفا يامرض واداويك
واقول خلاص انا فى البراح الاقيك
المر فيك يامرض والزل ناب مغروس فى قلبى ولا قلت آه
وعارف ياجبل فى القلب ايه مزروع
زى اللى فيك ياجبل صبار مفرع في الضلوع
وانت عارف ياجبل الصبر مر من كل زين منزوع
بس الفروع ياجبل داست على الآه
زى اللى فيك ياجبل صبار مفرع في الضلوع
وانت عارف ياجبل الصبر مر من كل زين منزوع
بس الفروع ياجبل داست على الآه
صبرى ع الآه ياجبل زى قلبك الحجر
زى صبرك ع السنين ع الرياح وع المطر
زى صبرك ع الخريف اللى نشف الشجر
زى كل قرن دوب البشر ياجبل ولا قلت آه
زى صبرك ع السنين ع الرياح وع المطر
زى صبرك ع الخريف اللى نشف الشجر
زى كل قرن دوب البشر ياجبل ولا قلت آه
شفت ياجبل اللى شربتة م السنين
شفت ان مش وحدك بتكتم الأنين
ومش وحدك ياجبل حابس دموع العين
وإن الآلام ياجبل مبتخفش بآه
شفت ان مش وحدك بتكتم الأنين
ومش وحدك ياجبل حابس دموع العين
وإن الآلام ياجبل مبتخفش بآه
وكل اللى قال الآه وفاكرها تريحه مجنون ياصاحبى دى الآهه بتجرحه
ولو يعرف ياجبل قد ايه الآه بتفضحه
كان شال جراح العالم ولا قالش يا صاحبى آه
ولو يعرف ياجبل قد ايه الآه بتفضحه
كان شال جراح العالم ولا قالش يا صاحبى آه
امل العدوى
من كتاب اوراق الماضى
من كتاب اوراق الماضى
ليست هناك تعليقات:
إرسال تعليق