- حيرت وجعي - بقلم الشاعر الجميل / الهادي عباس

- حيرت وجعي -----------

حيرت وجعي
عندي سنين نسيت
بعفس الجمر
حسيت...
وغصوا الخواطر
بالدموع بكيت...
.........................
بكيت... الخواطر رڨت
سكاكين...
في وسط الصدر ادڨت
وحسيت الأرض
من قداي اتشڨت
وحتى صبرت
بالصبر ما اتكفيت
الضلوع طابت
وبالألم تحرڨت
ومازلت صابر
ومازلت ما فديت
........................
تتعجبوا من قلبي
قداش حامل
من الوجع مخبي
وبقوة عزيمه
حامدك يا ربي
وهذا حكمك
وانا بالحكم رضيت
قلبي يتحمل
وبالألم معبي
وبفضل ربي
من الألم ما شكيت
.......................
حيرت وجعي
عندي سنين نسيت
بعفس الجمر حسيت
وغصوا الخواطر
بالدموع بكيت

الهادي عباس-تونس