الحكايه باختصار بقلم الشاعر الجميل / علاء حجازي

الحكايه باختصار
ماكان فى داعى لاعتذار..
أنتى عارفه كنتى إيه
كنتى حلم أنا عشت فيه
بس ياخساره نسيتيه
والدموع بكيت عليه
عشتى دورك باقتدارَ..
والحنين اللى ف حروفك
جاى معاه غدرك وخوفك
وكل ليل وله نهار..
شوفى صورتك ف المرايه
وإكتبى أصل الحكاية
ياللى صمتك كان شعار..
تهجرينى وتجرحينى
وأنتى حبك فوف جبينى
زى شمس بالنهار..
جايه ليه بس تلومينى
وإشتريتك ليه تبيعينى
بعد ماكسرنا الحصار..
#باختصار