قبل ما تمشي و تودعني
بص في عيني و قولي انسيني
قلبك خانني ... قولي بايعني
علشان اقدر اكمل بعدك
اصلي في بعدك بسهر ليلي
و قلبي يقولي انك هتجيني
مش معقولة ان انت ناسيني
و حبك كله كان أوهام
مش معقول كان كله كلام
وهم و كان ... و أنا صدقته
عشته معاك أنا و كملته
سقيتني مرار واستحملته
وبعد ده كله تطلع غدار
تنسى في لحظة مين كان حبك
ومين كان بيدقله قلبك
قلبك قاسي ازاي ناسي
مين كان ناسه و اهله و بيته
راح احساسه لغيري وسابني
وعارف ان في بعده هلاكي
هلاك بهلاك مش هترجاك
روح وبلاش تبص وراك
و أنا خليني اتعلم درسي
يوم ورا يوم هينسيني جرحي
و هرجع تاني و اقف على رجلي
و انت في يوم هتجيني بتبكي
و أقول على عيني و كتر خيري
آه يا خسارة كل سنيني
روح من تاني اضحك على غيري
بس امانة انك تنسانا
وعمرك يوم ما هتلقى هوايا
اصل أنا واحدة انت دابحها
وفي اخلاصها مفيش اتنين
روح و خلاص مش هترجاك
امشي و اوعى تبص وراك ...
نجوى محمد
ليست هناك تعليقات:
إرسال تعليق