من إبداعات الشاعر الراقي / قررت الإعتزال

 وانت داخل جوا حدود الجسم
حاسب
ناحية الشمال خريطة
كل حرف منها محتاج للكلام
وانت بتفك اللى مكتوب فى الخريطة
اوعى تستخدم شطارتك
اوعى تعمل فيها فاهم
حاسب
جوا مكتوب فى الخريطة حرف محروق
م الشمال
جوا مرسوم فى الخريطة عينين متغميين
حاسب
اصل تحتك قلب راقد
قلب مقفوله بيبانه
قلب كان بيحب وكان بيطير زى أطفالنا تمام
كان بيحضن جوا منه صورة البنت اللى منه
كان يخاف عليها زى منه
كان بيمسح دمعها ويشيله جوا عينيه
كان يخفف جرحها والجرح فيه
كان بيحبها اكتر منى ومن كل اللى حواليه
حاسب
اوعاك تقرب منه او تقرب البنات لضله
بس خليك فى الخريطة وابعد
ارجع مطرح ماكنت جاى
حاسب
وانت راجع احكى لكل الكون حكايته
والمرة اللى جاية راح تلاقى
عزا ومن غير حد يعزى فيه...
بقلم قررت الاعتزال