يَاَبحر الأَمَاَنى بقلم الفنان والشاعر الرائع / محمد عناني

يَاَبحر الأَمَاَنى
===========
قُوللِى يابحر الأمانى
فِيه عِلَاج عندك عَشَاَنى
ألف حاجه محَيَرَانى
شَقلِبِت روحى و كيانى
الفرح بيعيش ثوانى
والهموم دِى مِدوبانى
والحياه مَاَلهَاَش مَعَالم أو معانى
رغم إِنى وسط صُحبه من جيرانى
أسرتى كمان معايا مرياحانى
بس قلبى الحزن ساكن فيه وبَاَنى
والآلام ع اللى فَاَرقنى معذبانى
والدموع فى نهار وليلى مِغلبانى
أعمل إيه إحترت فيها وقلت ياانى
قوللى يابحر الأمانى
فيه علاج عندك عشانى
نفسى فى شِوية أمانى
بيها يرجع لى أمانى
أو كلام حلو ف أغانى
لما تسمعها ودانى
أبقا لسه بااعيش زمانى
والأوان اللى انا فيه هو اوانى
واشوف حياه من غير ما اعانى
ولا بكره بالأمل يرجع لى تانى
==================
( محمـد عنانى )