- مازال فينا الخير. --بقلم الشاعر الراقي / الهادي عباس

--------- مازال فينا الخير. -----------
مازلنا
وقت البلاء نتبرع
ومازلنا نتضامن
ومازلنا نتقاسم
الرغيف ونقنع
.........................
مازال فينا الخير
ومازلنا
على شريعة نبينا نسير
ومازالت نسانا
تحذق التدبير
ومازالت تقدر
وصوتها ما ترفع
ومازال
في ديارنا التقدير
ومازلنا
نصغى للكبير ونسمع
..........................
مازال عنا الهبة
ومازال
تجمع بيننا المحبة
أحنا شعوب
ما نحملوش السبة
ومازلنا نرحم
كيف غيرنا يتوجع
قنابل موقوتة
اذا القلوب تتعبى
ومازلنا نصمد
وللعدو ما نركع
.............................
مازال الصمود ونصمد
ومازلنا
على شربة الماء نتوحد
ومازلنا نعتز
بتاريخنا وانمجد
ولا تربينا على طمع
لا نطمع
ولا نقبلوا تهديد
لا نتهدد
اصحاب واجب
وقت الشدائد نفزع
............................
مازلنا
وقت البلاء نتبرع
ومازلنا نتضامن
ومازلنا
نتقاسم الرغيف ونقنع

الهادي عباس --تونس