ربك كريم موجود
===========
مادام ربك كريم موجود
ودايما ع العباد بيجود
تكون الجوده بالموجود
لو رزقك يكون محدود
ولو ع القد دايما جود
فعل الخيرعليك بيعود
وعند الله أكيد مردود
بلاش تقفل لباب دارك
ولا تزود فى أعذارك
أمام محتاج ولو جارك
ولو مره غريب زارك
كمان ضايفه بمقدارك
دا شىء بيخف أوزارك
ولو عندك زيادة ف مال
وفيه محتاج وحاله مال
ما تستناش يجيك بسؤال
ومن عندك بادر بوصال
فضل الصدقه مش بطال
حيبقالك فى صحه ومال
وبركه ليك أكيد ف عيال
==============
( محمـد عنانى )
ليست هناك تعليقات:
إرسال تعليق