(( بحب مصر )) بقلم الشاعرة الرقيقة / سعاد المصري

(( بحب مصر ))
مابين ارضك وسماكِ
اهم عايشين برضاكِ: 
بحبك 
و ما اعرفشي 
اعيش غير فيكِ
اقولك ايه يا ناسياني
ودايساني وعاملاني
بدون ضحكة
مهو انت الضحكة
والفرحة
ومن غيرك ما باضحكشِ
وطول عمرى وانا ليكِ
في اراضيكِ
ولا مليت
ولا كليت
ولا يمكن تبيعي ف يوم
وتنسيني
و انا عمرى ما انساكِ
و لا استغنى يوم عنك
يا كل الحب
واصل الحب في أرضك
وبيني وبينك
سر كبير
حب كبير
ما حدش يعرفه غيرنا
وأنت السر
وقلبى اسير
ما بين الماضي والحاضر
يا اغلا عندي من روحي
بحبك يا أمل روحي
وخايف قلبى لا تروحي
في دنيا صعبة العيشه
ما انا ابنك
وراضي بكل شيء فيكِ
اقولك ايه
وما تخافي
ولادك اهم فدا ترابك
و فيكي هلال وصليب
وقرانك و انجيلك
ما هو انت الاصل
يا اصيله
وجميله ومحروسه
باحبك يا حبيبتي يا مصر
بقلم سعاد المصرى