... كذاب ما حبني بقلم الشاعر المُبدِع / أمير الأمير

.............. كذاب ما حبني

كذاب ما حبني حب يتسلى بــــي
وانا على نيتي صدقت وحبيتـه
راح وتركني وانا محروقه اعصابي
اشلون ابنسى وانا بالقلب حطيته
مدلع(ن) مرتوي وفتان جذابـــــي
حب يتسلى على حظي وانا جيته
من فرحتي قلت توا ماالحظ بي طابي
تو الليالي تجيب اللي تمنيتــه
جيته بشوق المحبه فاتحن بابــــي
ياليتني يوم شفته رحت وخليتــه
ماكان قلبي معاه اليوم منصابـــــي
ولا كان دمعي غزير(ن) يوم هليته
شفت التعاسه وقلبي بالهوى ذابي
لا وعذابي من يــــوم لاقيتـــــــه