لسه فيه عندك أمل ؟
جي لمّا الشعْر شاب
تفتكر عهد الوداد
كنت فين واحنا شباب
واحنا بين صد وبعاد
ده الحنين في القلب داب
والهوى أصبح رماد
والزمن غير الزمن
والفؤاد غير الفؤاد
كنت فين ؟
لمّا كان عمري
بيخلص شمعة شمعة
كنت فين ؟
لمّا كان قلبي
بينزف دمعة دمعة
جي بعد ما راح زماني
وراح زمانك
جي تاني
ده عمري كله الأولاني
راح عشانك مش عشاني
واللي باقي في عمري كله
يا دوب ساعات ويمكن ثواني
سيبني أعيشها بقلب خالي
الهوى ده لوقتي
بقى فوق احتمالي
قلبي ما بقاش يحتِمل
حتى العتاب
لسه فيه عندك أمل
تحي اللي مات
لسه مش قادر تصدّق
إن قطر العمر فات !
تأليف / متولي محمد متولي بصل
ليست هناك تعليقات:
إرسال تعليق