نبع الحنان بقلم الشاعر الجميل / عادل عمر

نبع الحنان
امى يا نبع الحنان يا حب صافى من زمان
محتاجلك يا امى يا نبض قلبى ودنيتى
والسر فى وجودى وحبى ولمتى
والدنيا حلوة بيكى ودايما تقربينا
ولمة العيلة بيكى ومن غيرك لاء مفيش
وحبك لينا دايما دة حب ماينتهيش
وبحس الامان فى قربك ودايما تشأرى
من عز نومك انتى ودايما تفكرى
دة حبك جوة قلبى عاش وياة السنين
قدمتى الغالى لية ولا شوفت منك اسية
وكل سهرك كان عشانى واطمئنانك كلة لية
يا اغلى كلمة بين شفايفى
عاش معاها ووياها قلبى
بفتخر ان انا ليكى ويزيد افتخارى ان انتى لية
نبع صافى حضن دافى عمرى ما اشبع منك انتى
بتمثليلى كل حاجة وكنتى لية احلى هدية
يا ام غالية ومن غلاوتك كل فكرى فيكى انتى

بقلم. عادل عمر