كان ياما كان بقلم الأستاذة الرائعة / صباح القليعي

كان.. ياما كان... ايام زمان... لما كنت صغيره...... 🌹كانت امي تمشطلي شعري.. وتجدلي الضفيرة..... وتحطلي شريطة وفيونكه. عشان اكون من الحلوات.. واتمنظر بين البنات..... 🌹كانت امي تدخل المطبخ بالساعات..
تتعب وتطبخ لنا كتير حاجات...
لن انسي ابدا طعمها.. ولا شكلها طول الحيات....
كان طعم الحنان في اكلها احلي من البهارات...
وطعم المحبة بشربها .. احلي من الشربات....
🌹وبليل بنقعد علي حجرها.. وتحكي لنا حكايات...
حفظتها عن جدتها لأمها...
ولما تغفي عنينا.. تضمنا لحضنها...
🌹كانت تعلمنا ازاى نكون .. وازاى نعيش....
ولغير ربنا راسنا ما تنحنيش....
وازاي بنحترم الكبير...وازاي بيترد السلام...
وازاي بنعطف عالصغير... وازاي بنكسب الاحترام...
امتى السكوت.. وامتى الكلام...
امتي نفوق وامتي ننام...
وازاي نحافظ عالنظام....
🌹كانت تقول لاخويا. : لا تصاحب الفسدان... ولا الكسلان.. ولا اللي ماله سيرة غير سيرة النسوان...
ولا تصاحب الشهوان.. ولا المسطول.. ولا السكران... ولا المجنون ولا ابليس ولا الشيطان.....
وحط الرحمة في قلبك علي الغلبان.. وخلي ضميرك الصاحي في كل مكان....
🌹كتاب الله علي يمينك...
وتحفظ ربنا.. يعينك.. ويحميك من عدوينك..
واشوفك احسن الشبان...
🌹وبعد سنين تناسينا... خدتنا الدنيا ولهينا...
ومره بنام... زارتني امي بالاحلام...
بوش حزين.. وكان دبلان..😔.
قالتلي ليه نسيتوني... ما تفتكروني زي زمان...؟!!
حبايبي وقرة عيوني انا وحدي مع الاكفان..
زوروني... وابقوا تعالوا ودوني.. واقروا الفاتحة والقرآن..
ودعواتكم في صلاوتكم. تخفف عني في الميزان...لا تنسوني ورى الاكفان 🙏😥. 💔😥🌹بقلم / صباح القليعي 🌺💐🌺💐🌺💐🌺💐🌺💐🌺💐🌺💐