بحر الهوي بقلم الشاعرة / سندس مكاوي

بحر الهوي

بحر الهوي غدار ..
حذفتني جُوّاه ..
لا قُلتْ ..
البت صْغيّره ..
لسّاها ناعمه .. رُقيقه ..
لا عمري تعلمت العوم ..
أصلا أنا مش بهواه ..
حرام عليك ..
كلِّ ده حب ليّا ..
ولا خلاص بس أذية ..
والنعمه ..
مش فهمه ..
القصة إيه هي ..؟
أنت ماشي في الخمسين ..
انا يادوب عشرين ..
كنتْ مجروحة ..
من الدنيا مذبوحه ..
حضرتك إستغلّيت الوضع ..
قلت في عقل بالك ..
دي مكسورة الجناحين ..
أقول بحنّية كلمتين ..
هتنسي نفسها ..
تذوب بين ايديّا في غمضة عين ..
طبطبتْ ..
قلت مش كلمتين ..
قلت ألفين ..
مع الوقت ..
بقيت تهد وتْكسّرْ ..
ك أنّك أسد في غابة يتمختر ..
شفتني ساكته .. بتفرج ..
وانا هاديه ..
قلت دي قطه مغمضه ..
هبلعها من غير مضغ ..
أما تفوق وتصحي ..
تِلْقاني نسر .. في السماء ..
علّيت و طرت ..
ليه كده بس ..
لا فكرت في الأصول ..
لا دين ربنا ايه بقول ..
لا بعقلك فكرت ..
لا قلت .. عندي بت ..
بكرا عليها الدور ..
ينعمل فيها .. زي أنا ما عملت ..
ما أقدرش اقول .. غير ..
الله يسمحك ..
بس بردو ليا ليك ..
كلمتين واقفين في زوري ..
وهفرحك .. يعني هفرحك ..
أحبْ أَعَرْفِكْ ..
القطه الناعمه ..
ليها ظوافر وتْخربش ..
قبل ما تِنْلمِسْ شعره منها ..
وعهد الله ..
تِنْغِرِسْ في النِّنّْ ..
دم في الأسد ما تخلّي

بقلم @سندس مكاوي

نثر عامي ( باللهجة الصعيدية )