ابداعات من الشاعر الجميل / محمد طلعت

النهارده هكتب من وحى الصوره

همس الروح

تعالى أقولك كان ياماكان
حكايه ومـ عرفها الزمان
سطرين فرح..صفحة دموع .حرفين أمان
وعد وعهد وصبر كبير وكمان حبه من الإحسان
ايوه بحبك .إفهم وإسمع وانا راح اقولك كان ياما كان
وأنا وياك أنا عايشه فى جنه.....دنيا بعيده عن الحرمان
قلبى بيضحك ..قلبى سعيد مهما إكتملت فــيـــ الأحزان
هاتى إيدكى..إشبكى إيدى..أيوه بحبك..أنا حبيت فيك الإنسان
فاضل دقه فى قلبى هاقولها .لوكنت كيان فـ أنت البنيان
وأنا مش تايهه فى كل كلامى وأنت أكيد مش سكران
ــــــــــــــــــــــــــــــ
قاضى ياقاضى أنا هرفع إيدى .
.هسجن دمى جوه وريدى
قاضى يا قاضى أنا مش هتكلم
ولا راح أقولك إنى عشقت ولا بتألم
ولا ضحكتها فرحى و عيدى
بس الصبر عليا شويه
عايز اشبع من تفاصيلها أنا مستسلم
كل كلامها إنى ظلمت ..
وانى انانى وانى أنا عايش بعالم تانى ومش بتعلم
طيب حاضر ومش هتألم ولا هتكلم
هات سكينك وافتح قلبى.. هى هواها فى قلبى معلم
دمعى بيصرخ آه جوايا ..بس خلاص أنا مستسلم
أيوه ظلمتك وانتى حبيبتى
بس الظلم مش فى كلام ولا فى روايه
كل الظلم انك عشقتك عمر طويل ومالهوشى نهايه
اخر كلمه هقولها كفايه
اسمع منى كلامى ياقاضى..
هاتلى ايديها تشبك ايدى
وأنا راح اقولك نفذ حكمك بالاعدام ايوه أنا راضى
واخر كلمه هقولها خلاص
أيوه بحبك نفذ حكمك يلا ياقاضى
ايوه أنا راضى
محمد طلعت