متستنيش ووراه متجريش بقلم الشاعره الرائعه / امل عسكر

متستنيش ووراه متجريش .....

مفيش مني فايده
تبعد
أجيلك
تعد مشاغيلك
أصدق وأنسى
وأرجع أدور
عليك ما لاقيه
أتصل
#ألووووو فينك
معلش مشغول دائما على طول
حبيبتي سامحيني وقَدَّرى مشاغيلي
بالليل أنا جايلك
#خايفه متجيش
لا جاى وحشاني يا قلبي وزماني
وأصدق من تاني
مفييش منى فايده
#الووووو
فينك ؟
أووووه نسيت من كتر مواعيدى
خلاص صدقيني
هزهَّقك يا نور عيني
أصدَّق واستنَّى
وأفرح وأتهنَّى
وأبص في الساعة منتظره الرنَّه
وأرجع أقول تاني صدقت
أه ياني
هو ده معقول
عبط بزياده ولا دي إسمها سذاجه
ما هو لو وحشته
ولا حتى حَب
كان عليا دور
وشبعنى حُب
وأقول لنفسي إبعدى بكفايه
وإنسي بقى الرنه .

بقلمي
امل عسكر