من إبداعات الأديبة الشاعرة الرقيقة / فايزة بحيري

يمكن خطاوي الليل بتتسابق على دمعي
لكن عيوني صخر واللمعة دي من برقي
يمكن مسافات اللقى حلفت تبعدنا
لكن قلوبنا ونبضنا حالف يقربنا.
****************
يافجر طل وقرب المسافات
متسرقناش من الأحلام وخليها
تنور شمس ليالينا، ليالي القرب.
**********
طولت في بعادك
فايت هنا أحبابك
بيقاسوا في بعادك
إيه اللي جرالك.
**************
مش قلت ليالينا
بكرة هنرويها
دي حكاية ولا ليلة
ولا الف ليلة وليلة
************
فاضت ليالي الشوق
وحشة ورا وحشة
وإن كنت مش صادقة بنظرك
إسأل دموع سايلة.
*******************
شاري الهوى مجنون
ورضيت أكون مجنون
ومسيرنا نتلاقى
لازم دي أرض الله.
******************
سلملي عالأحزان
خبي بعيد خبي
طالت ليالي الحزن
والليلة عيدي وحدي.
(بقلمي: فايزة_بحيري)

من