( صحة وستر )بقلم الشاعر الرائع / م/عبالحميد سالم

( صحة وستر ) م/عبالحميد سالم 
م تيجى بعد سنين شقا نتحاسب 
ونشوف مين طلع مغلوب 
ومين محظوظ وطلع غالب 
خدنا إيه وعلينا إيه؟
حتة شقة أو حتى فيلا وشاليه 
والله كل ده مهو نافع يا بيه 
حساب ف بنك وأغلى عربية
دا كله متفات حتى السيرة منسية 
إمال يا ابنى هتاخد منها ايه ؟
جايز مترين قماش لو تكرموا
وقبر بكتيره متربن ف متر 
وإوعى تفتكر انه ليك لوحدك !!
دا تبقى محظوظ لو منابك منه شبر
مدام ده كل اللى طلعت بيه 
تقدر تقول اللى عليك؟ 
أقول ايه بس ولا إيه 
دنا ديونى للناس م ليها حصر 
ومن طوب الأرض طالب السماح
وتفصيرى ف حق نفسى وحق الله 
وفجأة لقيت عمرى عدى بسرعة ياه !!
فيارب احسن ختامنا ف الحياة 
وكملها على عبيدك بصحة وستر