(( إرهابى جبان)) بقلم الشاعر الجميل / م .عبالحميد سالم

(( إرهابى جبان)) م /عبالحميد سالم
ياإرهابى خسيس جبان 
خايف ليه وشك يبان
لو فيك ذرة من الرجولة 
أظهر وحاربنى ف الميدان
قتلى ياغبى مهوش بطولة
ولا بيه هتسكن أعلى الجنان
أميرك فتى لك وقبض العمولة
وانت بغباءك خسرت الرهان
لا عمر رصاصك هيرجع خلافة
ولا تفجير بارودك ف المكان
دا ديننا الاسلامى دين سماحة
لكن انت بغدرك بتعبد شيطان
واشلاءك تترمى ف صفيحة زبالة
وتجيب العار لاهلك كمان
لكن انا شهيد أرض الكنانة
وكفنى علمها أعظم نيشان
ولو بعدى راح مليون شهيد
هتفضل مصرنا دايما أمان