زمن الرذيلة بقلم الشاعرة الأنيقة / ياقوت ياقوت

زمن الرذيلة

اه خان .. وزوّد كمان ..
أصل الشهامة والرجولة ..
بقت صفة ..
بعيدة المنال ..
وأما تيجي تتكلم ..
تقول ..
ياست .. ماتخنيش جوزك ..
ده حرام ..
حفظي علي عرضه وماله ..
في غيابه وحضوره ..
بكل وقار ..
طب يا عمنا ..
بطل تلعب ببنات الناس ..
وتعيشهم في الأوهام ..
عيب عليك ..
هو أنت ماعندكش ..
أهل وبيت ..
زمن أغبر .. ماشي بالمقلوب ..
أما تتكلم فيه ع الحق ..
حتي الحيطان ..
تنطق .. تقولك ..
ده زمن الرذيلة ..
إلّ بقت بعنوان ..
شيلينها في برواز ..
ومعلقنها صورة ..
يتباهو بها ..
في بيوتهم كمان ..
أكيد .. أنا تايه ..
أو يمكن ..
وقعت من الزمن القديم ..
أنا في نظرهم .. متخلف ..
وهما كل تصرفتهم ..
بيعتبروها ..
دليل علي الثقافة والرقي..
واعجبي ..

بقلم : سندس مكاوي