من إبداعات الشاعر / علاء حجازي

مرسوم على وش بنتى.
كل ملامح مدينتى.
أخلاق بنت البلد.
والحلم اللى إتولد.
غرقان فى حطام سفينتى.
والكلمه الطيبه.
واقفه ومتعجبه.
بتقولك ماانتى كنتى.
عهدك زمان أميره.
وسط الصغار كبيره.
ولايوم فى مره خنتى.
وحشتنى حاجات كتير.
م الماضى بقيت بغير.
وعليكى بزيد فى حيرتى.
كتبت رسالتى ليكى.
عقلى وروحى فيكى.
طول عمرك كنتى زينتى.
قوليلى إيه اللى صابك.
وإتأخر ليه جوابك.
خلاكى عليه هنتى.
وحياة حب مابينا.
وكمان عشرة سنينا.
ترجعى زى ماكنتى.
ترجعى زى ماكنتى.
(عاشق تراب مدينتى.)
بقلمى
علاء حجازى