من إبداعات الأديبة والشاعرة الرائعة جدا / نجوى محمد

عم يا بتاع الحاجات القديمة ..
شوفلنا حاجه عندك ليها قيمة ..
شوفلنا قلوب تكون سليمة ..
شوفلنا ناس تكون رحيمة ..
تعبنا من الناس اللئيمة اللي عايشة بألف وش ..
واللي كل حياتها غش ..
واللي ابوها جنيه وقرش ..
شوفلنا ضحكة من القلب طالعة ..
شوفلنا شمعة في الضلمه والعة… .. شوفلنا حتى ضحكة حلوة ..
سمعنا حتى أي غنوة ..
تصحي في النفس الحنين ..
وتفرح القلب الحزين ..
عم يا بتاع الحاجات القديمة ..
شوفلنا ناس من بتوع زمان ..
ناس كانت طيبة ..
ناس كانت قريبة ..
ناس كانت عيشتها كريمة ..
ناس كانت عيشتها بسيطة ..
يا عم يابتاع الحاجات القديمه ينفع تاخد الناس الجديدة وترجع لنا الناس القديمة ..!!!؟
نجوى محمد