من إبداعات الشاعر الراقي / سامح نصر

من صغرها بتحبني...
من صغري شئ لها شدني...
كانت تعيط لوبَكيت
وتحس قبلي بدمعتي
كانت سند وحيطان وبيت..
كانت تدافع عني دايمًا
لو حد قَرّب ناحيتي...
كانت صحيح صغيرة..
لكنها..
سابقه سنين في الجدعنة
حته (جاتوه)
معجونة خفة وشيطنة
فجأه م الحي أختفت
وسمعت ناس قالو عَزّلت
بتجيني دايمًا في المنام
نفس الضفاير..
والغوايش.. والحزام ...
ولسانها لما تنطق حرف (ر) مكانه لام
فاتت سنين ورا سنين
وانا ب افتكر...
ارجع بنفسي سنين ورا
واقعد واقلب ف الصور...
وأشوف صورتها من زمان
واللعب مابين الشجر...

سامح نصر