- قبل الرحيل --بقلم الشاعر / الهادي عباس

------ قبل الرحيل -------------
مكتوب...
سنين وانا نعاني
ومكتوب لي
انعض الألم باسناني
حافظي....
حافظي على دارك
وامانتي في الكون
هو ما صغارك
اصبري...
وعودهم على نسياني
لعل...
لعل تفيق الصبح
ما تلقاني...
.......................
عليهم ناضل
واقنعي...
واكتفي بالحاصل
وديمه خلي
عولتك بالفاضل
خليني نرقد
في القبر و هاني
وخلي الترحم
بيننا يتواصل
وتذكر اني
في القبر وحداني
....................
ما نحبش
حزن في داري
وما نحبش
الكلمه الموجعه لصغاري
وما انحبكش
في وضعهم تحتاري
واصبر...
وعودهم على نسياني
لعل تفيق الصبح
ما تلقاني.....
......................
لعل تحين الساعه
والفرقه بطبعها
قاسيه وجاعه
قدام صغارك
ما تظهري ملتاعه
ولا تندبي...
ولا تزيد في حرقاني
و للدفانه
سلمي لوداعه
واصبر...
وتعود على نسياني
.........................
واصبر... وعودهم على نسياني
لعل تفيق الصبح... ما تلقاني...

الهادي عباس-تونس